Meteo

Le previsioni del tempo previsioni

A cura dell’agenzia Arpas Sardegna

Cielo nuvoloso

Cagliari

A cura dell’agenzia Arpas Sardegna

Cielo poco nuvoloso con addensamenti più consistenti nella seconda parte della giornata quando non si escludono isolate precipitazioni sul settore occidentale. Nebbie o foschie mattutine nelle zone interne del settore occidentale, secondo le previsioni del servizio Arpas Sardegna.

Temperature: in calo nei valori minimi, stazionarie nei valori massimi.

Venti: deboli occidentali.

Mari: prevalentemente mossi.

Martedì, 24 settembre 2024

©Riproduzione riservata

Più informazioni

commenta

Su Gazetinu

Tutte le notizie

Su Gazetinu, lunis 23 de cabudanni de su 2024

Su Gazetinu, lunis 23 de cabudanni de su 2024

In Sardigna su parcu de is màchinas est betzu – Agiomai 640.000 màchinas de is chi tzìrculant in Sardigna – est a nàrrere su 57,5% – est de genia prus bassa de Èuro 4. E 772.000 màchinas tenent prus de 10 annos de vida. Cun custos datos, sa regione nostra est in su de 7 postos in sa classìfica de is mezos prus betzos e prus incuinadores de Itàlia e resurtat ancoras sa regione cun su parcu de is màchinas intra de is prus betzos de Itàlia.

Castiende a is provìntzias, is màchinas cun motores prus incuinadores s’agatant in provìntzia de Nùgoro, in ue su 65,9% de is màchinas portat motores de genia Èuro 4 o prus bassos de Èuro 4. Sighit sa provìntzia de su Sud de Sardigna, cun su 59,6%, sa de Aristanis cun su 59,5% e sa de Tàtari cun su 56,7%. Ùrtima est sa provìntzia de Casteddu, cun su 51,7% de màchinas de genia Èuro 4 o prus bassa de Èuro 4.

In Sardigna oe in die nche tenimus unu millione e 111 mìgia màchinas. De custas, 510 mìgia sunt alimentadas a benzina – est a nàrrere su 45,9% – e 538 mìgia a gasòliu (su 48,4%). S’àteru 2,8% sunt veturas ìbridas, su 0,3% sunt màchinas elètricas, mentras de s’àteru 2,5% de is màchinas no si-nde connoschet sa genia de motore.

In su 2021 isceti 4.077 automobilistas sardos teniant una màchina elètrica o ìbrida, mentras in s’ùrtimu analizu su totale intra de ìbridu e elètricu resurtaiat de 43 mìgia màchinas.

Custos sunt is datos de sa relata in contu de is “Cunsighèntzias ambientales de is màchinas in Sardigna”, fatu dae s’Ufìtziu pro is istùdios de Confartesania Impresas Sardigna, a tenore de is datos bogados dae s’Aci pro su 2023.

Dae s’analizu nde essit a campu chi su nùmeru prus artu de màchinas ìbridas o elètricas s’agatat in provìntzia de Casteddu, in ue nd’at 13.246 ; sighit Tàtari cun 10.450, sa provìntzia de su Sud Sardigna cun 5.336, sa provìntzia de Nùgoro cun 3.342 e sa de Aristanis cun 2.038.

In Casteddu ddoe tzìrculant fintzas is màchinas prus giòvanas: sa bellesa de 15.000 de 288.000 màchinas immatriculadas, est a nàrrere su 5,3%, tenet prus pagu de duos annos. Sighit Tàtari cun 14.000 de 336.000 màchinas (su 4,2%), su Sud de Sardigna cun 8.000 màchinas de 287.000 (su 3,5%). Ùrtimas in classìfica custa borta puru Aristanis, cun 3.000 màchinas de 106.000 (su 2.9%) e Nùgoro, cun 4.000 veturas de 152.000 (su 2,6%).

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.